Një plaçkitës i panjohur nga Pennsylvania në SHBA dërgoi 45 dollarë familjes nga dyqani i së cilës kishte vjedhur para 25 vjetësh një çekiç, njoftoi bashkëpronarja e dyqanit, Lynne Gramling.

Në porosinë e shkruar me dorë, plaçkitësi i panjohur shkroi se kishte vjedhur çekiçin nga dyqani para 25-30 vjetësh, ndërkohë ai kishte ndryshuar dhe i kishte ardhur keq për këtë plaçkitje, kështu që kishte vendosur t’i dërgojë 45 dollarë.
Bashkëpronarja thotë se kjo është hera e parë në historinë 50-vjeçare të dyqanit se dikush ka paguar për një mjet të vjedhur. Ajo i dhuroi paratë për bamirësi.