Ai i cili kurrë nuk ka vuajtur nga migrena mund të konsiderohet si fatlum. Kjo sëmundje është shumë e përhapur dhe karakterizohet nga dhimbje shumë të mëdha. Sëmundja tri herë më shumë godet femrat në krahasim me meshkujt. Mbi të gjitha, edhe më tutje ka mjekë që këtë sëmundje nuk e marrin seriozisht, por edhe pacientë që pajtohen me fatin e tyre: 50% prej tyre kurrë nuk i janë drejtuar mjekut për këtë problem.
Shmangni pushimin gjatë sulmit të migrenës – Çdo kokëdhimbje nuk është migrenë. Shkencëtarët dallojnë 13 lloje të ndryshme të kokëdhembjeve. Disa vijnë si pasojë e ngritjes së temperaturës, pezmatimit të sinuseve, lëndimeve, gjakderdhjes në tru, gripit. Migrena është sëmundje më e veçantë dhe ka karakteristikat e saj të veçanta. Mos e ngatërroni me sëmundjet e tjera, që shkaktohen edhe me faktorë psikologjikë: nëse e shëroni me barna, nuk do të arrini asgjë.

Drejtohuni mjekut me përvojë
Nuk keni nevojë të shkoni tek oftamologu, gastroenterologu ose neurologu. Së pari vizitoni mjekun e mjekësisë së përgjithshme. Nëse ka probleme në caktimin e diagnozës, atëherë me udhëzimin e tij drejtohuni specialistit.

Shmangni kontrollet e panevojshme
Diagnoza e migrenës caktohet klinikisht, në bazë të disa përgjigjeve të pacientit. Në shumicën rasteve nuk ka nevojë për kontrollime shtesë. Por kuptohet, nëse mjeku urdhëron duhet kryer disa skanime apo fotografime, që të përcaktohet diagnoza përfundimtare.

Përmbajuni në mënyrë strikte terapisë së shënuar
Sot ekzistojnë barna shumë efikase kundër migrenës, që zbusin dhimbjet në 60-80% të rasteve ose e largojnë të tërën.

Nxitësit e migrenës
Uria – Nëse nuk konsumoni ushqim më gjatë se katër orë, niveli i sheqerit në gjak bie, e kjo mund të shkaktojë sulmin me kokëdhimbje. Për të parandaluar rënien e shpejtë të sheqerit derisa flini, konsumoni një orë para se të shkoni në shtrat, flluska me qumësht, jogurt apo një banane. Dhe natyrisht, nuk guxoni ta anashkaloni kafjallin.