Sulmuesi i Borussia Dortmundit, Mohamed Zidan, ka deklaruar se gara për titullin e kampionit të Gjermanisë do të vendoset në shkurtin e vitin 2011.

“Mendoj se gara për titullin e Bundesligas do të vendoset në shkurt 2011. Nëse arrijmë të grumbullojmë 10 pikë nga pesë ndeshjet tona të para pas pushimit dimëror, atëherë nuk do ta humbim titullin”.

“Për dallim nga klubet e tilla, si Bayern Munichu, ne nuk luajmë çdo sezon për titull. Neve na jepen raste të këtilla njëherë në dhjetë vjet... Prandaj nuk do të lëshojmë pe”, ka thënë Zidan për Bild.

Borussia aktualisht i prin tabelës me 43 pikë nga 17 ndeshje, dhe ka diferencë prej 10 pikësh nga vendi i dytë që mbahet nga Mainzi.