Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Jakup Krasniqi kundër një qeverie teknike Tue Dec 28, 2010 11:32 pm | |
|  Ushtruesi i detyrës së presidentit të Kosovës, Jakup Krasniqi është kundër formimit të një qeverie teknike, ngase, sipas tij, Kushtetuta e vendit nuk parasheh formimin e një qeverie të tillë.
“Të gjitha zgjidhjet duhet të gjendet konform aktit më të lartë juridik”, ka thënë Krasniqi, që në një intervistë për Radio Kosovën.
Krasniqi beson se fundi i janarit ose fillimi i shkurtit do ta gjejë vendin me Qeveri dhe Kuvend, ndërkaq, nuk parapëlqen një koalicion të gjerë, pasi ai i deritashëm, sipas tij, nuk rezultoi i suksesshëm.
Sekretari i përgjithshëm i PKD-së, thekson se gjithçka do të varet nga procesi i rivotimit më 9 janar. Ai nuk parapëlqen një koalicion të gjerë megjithëse për këtë, sipas tij, do të vendosin “numrat” e deputetëve në Kuvendin e Kosovës.
“Zakonisht koalicionet nuk preferohen shumë të gjera, ne e kishim një koalicion mjaft të gjerë por nuk rezultoi i suksesshëm”.
Ndërsa, lidhur me raportin e Dick Martyt dhe mundësinë që të publikohen emrat e atyre që bashkëpunuan në përpilimin e këtij raporti, ai ka thënë se nuk di emra. “Sigurisht që Dick Marty i di ata emra, është mirë që në ardhmen do të ketë mundësi që të dihen emrat, por, unë në këtë moment nuk do të manipuloja pasi është diçka, të cilën unë ende nuk e di”.
Krasniqi ka ritheksuar se qëllimi i raportit ka qenë denigrimi i luftës së popullit shqiptar, i vlerave të këtij populli, si dhe amnistimi i krimit të vërtetë që ka bërë Serbia në Kosovë. |
|
