Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: PDK e kënaqur me rivotimin, të tjerët ankohen Mon Jan 10, 2011 6:35 am | |
|  PDK-ja e ka vlerësuar procesit e rivotimit të suksesshëm në pesë komunat, ndërsa partitë tjera janë ankuar për parregullsi.
Zyrtari i lartë i PDK-së, Memli Krasniqi ka thënë se në përgjithësi rivotimi ka rrjedh pa incidente dhe janë tejkaluar problemet teknike të 12 dhjetorit.
LDK-ja është ankuar për ndërprerjen e rrymës në disa vendvotime dhe kërkojnë që në ato vendvotime ku është ndërprerë rryma të anulohen rezultatet. Ismet Beqiri, sekretar i përgjithshëm i LDK-së, ka thënë se vëzhguesit e kësaj partie kanë regjistruar parregullsi në Drenas gjatë tërë ditës, në Skenderaj pasdite, ndërsa edhe në Deçan ka pasur parregullsi në orët e mbrëmjes. “Nuk janë lejuar vëzhguesit e LDK në disa vendvotime në Drenas. Në mbrëmje në Prekaz, Vojnik, Isniq e Gramaqell”, ka thënë Beqiri. Sipas tij, LDK do të pranojë këto zgjedhje, por do të kërkojë që në vjeshtë të ketë zgjedhje të reja.
Nënkryetarja e AKR-së, Mimoza Kusari-Lila ka thënë se prapë ka pasur probleme që e kanë përcjell rivotimin. “Ka pasur votime të dyfishta në Deçan, Drenas dhe Skenderaj. Përgjithësisht ka pasur në ndjenjë se ka qenë votim i qetë, por kjo ka qenë për shkak të monitorimit të afër nga vëzhgues ndërkombëtarë”, ka thënë Kusari-Lila.
AAK-ja ka vlerësuar se procesi ka ecur me disa parregullsi të përsëritura si më 12 dhjetor. “Në komunat Skenderaj dhe Drenas ka pasur votime të dyfishta, votime familjare, ndalje të rrymës…”, ka thënë nënkryetari AAK-së, Ahmet Isufi. Sipas tij, edhe këto zgjedhje kanë kaluar me defekte dhe e kanë zbehur imazhin e Kosovës.
Po ashtu edhe Vetëvendosje ka pasur vërejtje për rivotimin. Aktivisti i Vetëvendosjes, Visar Ymeri tha se janë kërcënuar vazhdimisht vëzhguesit e këtij subjekti në Skenderaj dhe Drenas. “Janë mbushur kutitë artificialisht. Ndërsa vëzhguesve tanë nuk u është mundësuar të nënshkruajnë vërejtjen në librin e votimit në vendvotime”, tha Ymeri. |
|
