WebMaster
Off line ™
Numri i postimeve : 2045
Data regjis. : 30/09/2009
Location : Prishtinë
 |  Titulli: Beogradit i ngutet të bisedojë me Prishtinën Wed Jan 12, 2011 6:08 am | |
|  Beograd, 11 janar – Bisedimet Beograd-Prishtinë presin të formohet qeveria e Kosovës, kurse raporti i Dick Martyt nuk ka ndikim të drejtpërdrejtë për fillimin e tyre, i ka thënë Oliver Ivanoviq agjencisë B92.
Sekretari i Shtetit në Ministrinë për Kosovën në qeverinë e Serbisë, Oliver Ivanoviq, gjatë një interviste në emisionin “Kazhiprst” (Gishti tregues) të B92 ka thënë se Beogradit nuk i konvenon shtyrja e bisedimeve.
Ivanoviq ka pohuar se raporti, të cilin do t’ia prezantojë Asamblesë së Këshillit të Evropës, më 25-26 janar, Dick Marty e Jean Charles Gardetto, “krijojnë një klimë tjetër politike në Kosovë”. Ai ka shtuar se pas publikimit të këtyre raporteve, misioneve ndërkombëtare në Kosovë janë bërë më të ndërgjegjshme se “është evidencuar problemi”.
“Shumëkush në misione ndërkombëtare mendonin se do të kalojë mandati i tyre dhe se nuk do të jenë të detyruar të kapin me dorë pataten e nxehtë, meqë nuk kanë hapur temën siç është krimi i motivuar etnikisht dhe tregtia me organe”, është shprehur sekretari i Shtetit në Ministrinë për Kosovën në qeverinë e Serbisë, Oliver Ivanoviq.
Komuniteti serb në Kosovë një situatë të tillë po e përjeton me shumë shqetësim, ka shtuar ai.
“Serbët në Kosovë gjithë këtë po e përjetojnë me shumë shqetësim, sepse zgjon pak shpresa ua rikujton vitit 1999. objektivisht këtë e konsiderojmë çështje shqiptare, meqë ua kanë toleruar të gjitha”, thotë Ivanoviq.
I pyetur nëse Serbisë i konvenon shtyrja e bisedimeve, Ivanoviq thotë se ka shumë çështje të pazgjidhura, prandaj serbëve nuk u përgjigjet zgjidhja.
“Ne disa nga çështjet kemi provuar t’i zgjidhim duke shfrytëzuar Bashkimin Evropian dhe ndërmjetësit e tjerë ndërkombëtarë, por kjo nuk na ka shkuar përdore”, është shprehur Ivanoviq, dhe ka shtuar se bisedimet po presin formimin e qeverisë së Kosovës.
Ai ka theksuar se platforma për bisedime është e përkufizuar me kushtetutë, rezolutat parlamentare dhe programin e qeverisë së Serbisë dhe ajo do të jetë publike në momentin kur qeveria e Serbisë ta miratojë.
“Ajo nuk është formuluar, shtypur, e publikuar në sajt, meqë këto çështje nuk bëhen kështu...Disa gjëra nuk bëhen publike, meqë kjo do të thoshte se edhe pala tjetër do të marrë çfarë do të kërkojmë, e ne në ndërkohë nuk e dimë se cila është platforma e tyre” (e ka fjalën për shqiptarët e Kosovës v.j.), ka thënë sekretari i Shtetit.
Ivanoviq ka thënë se temë e parë e bisedimeve me siguri do të jetë problemi i të zhdukurve.
Sipas fjalëve të tij, qëllimi afatgjatë i bisedimeve me shqiptarët është të pacifikimi i territorit dhe popullsisë, perspektiva ekonomike dhe krijimi i institucioneve demokratike |
|
