Evertoni ka arritur që të kualifikohet në mënyrë sensacionale në rrethin e pestë të FA Cup, por vetëm pas ekzekutimit të penaltive, pasi në vazhdime e shpëtoi eliminimin e sigurtë në momentet përfundimtare.
Pasi ndeshja e parë në Godisson Park përfundoi me rezultat 1-1, atëherë rezultati i ndeshjes së dytë prej 0-0 pas kohës së rregullt në Stamford Bridge imponoi zhvillimin e vazhdimeve.
Në vazhdime skuadrat arritën që ta ndezin takimin me gola. Në minutën e 104-të Frank Lampard pranon një top fenomenal nga Didier Drogba për të realizuar për 1-0.
Kur të gjithë menduan se tashmë Chelsea ishte kualifikuar, në skenë del Leighton Baines, që ia bëri bajat futbollin portierit Peter Cech, pasi e la të fotografuar në panoramën e Stamford Bridge pas një goditjeje të lirë të ekzekutuar për mjeshtri e cila rezultoi me barazim 1-1.
Penaltitë ishin të pa shmangshme dhe mënyra e vetme për ta vendosur këtë takim. Lojtarët e Chelseat pas golit të pranuar në fund i humbën nervat dhe kështu, huqjet e Ashley Cole dhe Nikolas Anelkas bënë që në penalti Evertoni të triumfojë me rezultat 5-4.
Chelsea me këtë eliminim e ka humbur edhe atë shpresë të vetme për të fituar ndonjë trofe këtë sezon, ndërsa pos tjerash ky eliminim përbën turpin më të madh këtë sezon për Blutë e Londrës të cilët shpenzuan 80 milionë funte në janar. Evertoni në rrethin e pestë takohet me Readingun.
