Një britanike 57-vjeçare rriti në mitrën e saj dhe lindi me sukses një fëmijë që i përket vajzës së saj, e paaftë për të patur fëmijë.

Pasi vajza ishte përpjekur për disa vjet pa sukses, mjekët i kishin bërë të qartë që gjendja e saj mjekësore nuk do ta lejonte kurrë të bëhej nënë.

Megjithatë, Pamela Butler, duke qenë e vendosur që të bëhej gjyshe, i propozoi të bijës një mënyrë novatore për të patur fëmijë.
Edhe pse në moshë të shtyer për të patur fëmijë, trupi i 57-vjeçares ishte ende në gjendje shumë të mirë dhe të përshtatshme për të pritur një fëmijë.

Kështu, pasi në laborator u fekondua veza e së bijës me spermatozoidët e bashkëshortit, gjyshja priti fetusin në mitrën e saj.
Siç transmeton TCH, si rezultat, familjes Butler iu shtua një djalë, që sot është disa muajsh. Sipas fjalës së Pamelës, ai është “sikur të ishte djali i saj”.