3li
Anëtar/e me përvoj
Numri i postimeve : 403
Data regjis. : 25/11/2009
Location : Knej Parii Dika
 |  Titulli: Anomalia gjenetike shndërron viçin në qen Fri Dec 04, 2009 6:20 am | |
|  Tiranë– Në një fermë të vogël në jug të Shqipërisë ka ndodhur çudia e radhës. Në fshatin Donkollar në rrethin e Kolonjës, banon blegtori Samebedin Myftini dhe viçi i tij i jashtëzakonshëm.
Kjo kafshë është vetëm pjesërisht viç: koka e tij është ajo e një qeni. Bedini, ashtu sikur e njohin bashkëfshatarët, është i tronditur nga kjo lindje e çuditshme. “Lopa para se të lindte kishte dhimbje gjatë gjithë ditës. Pas shume përpjekjeve, së bashku me veterinerin e fshatit vumë re se viçi nuk ishte i zakonshëm, por kishte një kokë të madhe”, shprehet Bedini.
Si shkruan Top Channel, të nartën në fshatin Donkollar ka ardhur për të parë viçin edhe njeriu që bëri të mundur sjelljen në jetë të kafshës së çuditshme. Qetësor Tafili është veterineri i zonës. “Viçi është me përmasa qe nuk e kam vënë re më parë. Për mua është një defekt gjenetik, mund te themi një viç me tiparet e qenit”, shprehet Qetësori. Ngjarja e rrallë nuk ka mbetur pa u komentuar edhe nga banorët e fshatit. Jo vetëm kaq, ajo tashmë ka kaluar edhe kufijtë e zonës.
“Kjo në fshatin tonë është një gjë e rrallë. Jemi shume kuriozë se çdo të ndodhë më tej me viçin”, shprehet një banor i fshatit. Samebedini është në dilemë të madhe: nëse duhet ta rrisë apo duhet t’i japë fund vuajtjeve të tij që në këtë moment. “Kjo është një gjë e rrallë. 65 vjeç burrë kam pasur deri në 15 lopë më parë dhe kjo gjë nuk me ka bërë vaki. Nuk di seç të bej se nuk besoj se do ecë mirë me shëndetin”, u shpreh Bedini. Një gjë është e sigurt: kjo shaka e hidhur e natyrës do t’i shtohet listës së gjatë të anomalive gjenetike qe po godasin Shqipërinë vitet e fundit. |
|
