Olena Tchinka kishte pësuar lëndime të rënda në një aksident, por ajo kurrë nuk kishte ndaluar së vallëzuari. Me ndihmën e protezave dhe karriges me rrota, ajo drejton një studio vallëzimi, mban kurse, si dhe inspiron nxënësit që ndjekin shkollën e saj.

"Unë nuk mund të them nëse kjo është për të mirë ose për të keq. Kjo është ajo që është. Unë do të doja t’u përcjell më shumë fëmijëve me protezat e mia, t’u tregoj atyre se si unë bëj gjëra të caktuara”, thotë Olena.

Përveç performancës dhe mësimdhënies, Olena ka dhe një tjetër ëndërr – të krijojë një qendër rehabilitimi për të ndihmuar njerëzit me nevoja të veçanta.