Moskë   – Se rusët janë adhuruesit më të mëdhenj të alkoolit e dëshmon së fundmi edhe një shpikje më e re në këtë vend, ku shkencëtarët rusë patentuan tabletat alkool, në mënyrë që ato të konsumohen dhe të transportohen më lehtë.
Shkencëtarët rusë kanë shpikur një lloj pluhuri nga alkooli, i cili do të duhej të lehtësonte konsumimin e vodkës. Profesori, Evgeny Moskalev, nga Universiteti i Teknologjisë në Petrograd, ka zhvilluar një teknikë që mundëson shndërrimin e alkoolit në pluhur, i cili mund të konsumohet në formë të pilulave. Me këtë teknikë të re, sipas tij, në formë të ngurtë mund të prodhohet çdo lloj i alkoolit, e madje edhe birra ose vera.
Në këtë mënyrë, sipas shpikësit, njeriu mund të kontrollojë më mirë se sa alkool fut në organizmin e tij.