Tegukigalpa, 4 dhjetor   – Kur i filluan shtërzimet e lindjes, një grua shtatzënë nga një lagje e varfër e kryeqytetit të Hondurasit, Tegukigalpa, u nis këmbë për në spital, mirëpo për shkak të dhimbjeve ishte alivanosur përpara morgut të qytetit. Në këtë gjendje atë e pa shoferi i kësaj qendre, Carlos Rosa, i cili priti derisa punëtorët nxorën arkivolin e një të vdekuri nga vetura, e më pas e mori gruan dhe u nis në drejtim të spitalit. Kur ai ngeci me veturë në trafikun e qytetit, Carlos u detyrua që ta përdorte atë njohuri të paktë të tij mjekësore dhe e ndihmoi gruan në lindje.
Si shenjë falënderimi për veprën e bërë, nëna e re vendosi ta quante të birin e saj sipas shoferit zemërmirë.