San Francisko – Rrjeti shoqëror i Internetit, Facebook njoftoi se ka regjistruar 350 milionë përdorues dhe njoftoi për mbrojtje më të mirë të të dhënave nga jeta private e përdoruesve.
Në një mesazh të publikuar në internet, faqen kryesore, themeluesi i Facebookut Mark Zuckerberg njoftoi se së shpejti përdoruesit mund të zgjedhin “miqtë” nga ai websajt që mund të kenë qasje në të dhënat private të tyre. “Do t’u ofrojmë shumë nga ajo që keni kërkuar, mundësinë të kontrolloni se kush mund të shikojë përmbajtjen që e vendosni në website”, tha Zuckerberg.
Duke marrë parasysh numrin gjithnjë në rritje të përdoruesve, mbrojtja e të dhënave private është bërë gjithnjë e më e vështirë.
“Plani ynë është që të krijojmë një model më të lehtë të kontrollit të dhënave private ku mund të zgjidhni nëse mund t’i ndani ato të dhëna me miqtë tuaj, apo me miqtë e miqve tuaj apo thjesht me të gjithë”, tha Zuckerberg.
Themeluesi i Facebookut njoftoi se mundësitë e reja të mbrojtjes së të dhënave private do të jenë të disponueshme në javët e ardhshme.