Carlo Ancelotti është i bindur se ai do të vazhdojë ta ruajë pozitën e trajnerit te Chelsea edhe pas eliminimit nga Liga e Kampionëve.

Megjithatë Ancelotti thotë se vendimi për këtë nuk është në duart e tij.

“Nuk jam i shqetësuar. Duhet të punoj dhe të përpiqem të jap më të mirën. Nuk më takon mua të vendos për të qëndruar ose për të mos qëndruar këtu”.

“Ne jemi jashtë Ligës së Kampionëve dhe kjo nuk është gjë e mirë për ne. Por ne shohim në të ardhmen. Ne kemi ndeshje për të luajtur dhe të fitojmë nëse është e mundshme pasi është e qartë se duam të luajmë në Ligën e Kampionëve sezonin e ardhshëm”, ka thënë Ancelotti.