Trajneri i Interit, Leonardo, ka këmbëngulur se cikli fitues për Nerazzurët nuk ka mbaruar, përkundër humbjes së titullit në Serie A pas shtatë vitesh.

“Unë nuk besoj se cikli i Interit ka mbaruar, por në fakt çfarë do të thotë kjo? A do të thotë kjo se duhet të ndryshojmë 25 lojtarë në skuadër? Unë nuk besoj se ne do të ndryshojmë 15 apo 25 lojtarë. Cikli i Milanit dukej i mbaruar, por tani ata janë duke e fituar titullin me shumë lojtarë që kanë luajtur katër vite më parë”.

“Interi është i dyti në tabelë dhe ende ka gjasa për Coppa Italian, pasi fitoi gjithçka sezonin e kaluar. Rezultatet e të kaluarës nuk zhduken ashtu lehtë”, tha Leo.