Menaxheri i Manchester United, Sir Alex Ferguson, ka përjashtuar një rikthim të Cristiano Ronaldos në Old Trafford, pas spekulimeve se CR7 dëshiron të largohet nga Reali pas acarimeve me Jose Mourinhon.

“Do të ishte shumë e vështirë. Ai ka kaluar shumë mirë këtu dhe është aktualisht te një klub i madh. Kam biseduar me të pas ndeshjes El Clasico të mërkurën. Ai ka kaluar shumë mirë me ne. Ai erdhi në Old Trafford si fëmijë dhe shkoi në Madrid si burrë”.

“Ai po kënaqet atje dhe edhe pse nuk ishte në formën më të mirë të mërkurën, ai mbetet lojtar i madh”, ka thënë Ferguson.