Kampioni i Italisë në fuqi, Inter, ka arritur që në mënyrë sensacionale në minutat shtesë të ndeshjes ta përmbysë epërsinë minimale të Cesenas, për të shpresuar edhe më tutje për Scudetto.

Me një krosim të mirë, Luca Ceccarelli gjeti Igor Budanin, i cili me vole mposhti Castellazzin (56’), ndërsa mysafirët ruajtën këtë epërsi deri në minutat shtesë të takimit.

Heroi i Nerazzurëve në këtë përballje rezultoi Giampaolo Pazzini, i cili në minutat shtesë, pas asistimeve të Samuel Eto’ (90’+2) dhe Douglas Maicon (90’+5) realizoi dy gola duke ia siguruar tre pikë të plota ekipit të tij.

Me këtë fitore, Interi ka 69-të pikë, pesë më pak se Milani, ashtu që matematikisht është ende në garë për titull.