Një grup ambicioz, adhurues i birrave vendosi të thyejë njërin prej rekordeve më të vështira të Guinnessit dhe ia arriti qëllimit.

Për 10 orë “13 të eturit” vizituan hiq më pak se 200 kafene në East Village të New Yorkut dhe kështu thyen rekord botëror. Falë këtij suksesi të pazakontë, ata zunë një vend në librin e rekordeve Guinness si ekipi i cili vizitoi më së shumit kafene brenda 24 orëve.

Rekordin e mëhershëm e prej 170 kafeneve e mbante një grup nga Chicago. Për t’i mposhtur bashkëvendësit e tyre, njujorkezët u desh të shpikin një taktikë të veçantë. Kështu në secilën kafene që hynin vetëm njëri nga anëtarët e ekipit e pinte një birrë, dhe atë jo deri në fund. Secilën birrë e mbushte banakieri dhe secila birrë e zbrazur dokumentohej me kamerë, për të dëshmuar vërtetësinë e aksionit të tyre.

New York Daily News shkruan se rekorderët e rinj e filluan vizitën nëpër kafene të shtunën më 3 shtator në orën 8:45 minuta. Vizituan të gjitha lokalet që mundën, prej picerive deri tek ‘fast foodet’ e kështu me radhë. Ata përfunduan aksionin e tyre rreth orës 18:00, kur u ndalën në kafenenë Solas në East Village pinë birrën fituese dhe ia uruan çiftit Chris Solarz dhe Bea Reig trevjetorin e martesës.

Në kafenenë e lartpërmendur, Chris dhe Bea kishin filluar romancën e tyre, duke u njohur nëpërmjet speed dating (takim i shpejtë).