Jo shumë kush mund ta njoh, por që në dukje të parë na lë përshtypjen të kuptojmë se e kemi parë diku, Qëndresa për shumë kohë ka qenë imazh i prezantimit të pijes Golden Eagle. Ndonëse profesioni i modeles tashmë si duket po i kalon edhe në këngë, meqenëse ajo sapo ka lansuar në treg këngën e saj të parë “First Class Girl” në dy versione anglisht dhe shqip. Qëndresa për shumë vjet jeton në Zvicër, ndërsa dëshira për këngën i ka lindur kaherë, mirëpo tani ka gjetur kohën e duhur për t’u marrë me të. Gjatë fëmijërisë së saj Qëndresa ka qenë aktive në organizime shkollore, ku është prezantuar me këngë të ndryshme.

Me kalimin e kohës ajo ka vijuar studimet dhe kështu që ka qenë e angazhuar rreth obligimeve mësimore. Tani me të përfunduar studimet ajo ka vendosur që intensivisht të merret me këngë. “Këngën e kam dashur gjithnjë, që kur kam qenë e vogël, mirëpo obligimet shkollore nuk më kanë lënë të merrem me te.

Me fotomodelim jam marrë prej moshës 17 vjeçare, kam qenë imazh i shumë kompanive zvicerane. Mirëpo shpirti gjithnjë më ka fjetur te kënga. Fatmirësisht tani sapo lansova këngën e parë në dy gjuhë dhe shpresoj të kem sukses”, ka thënë ajo për “Zëri. Qëndresa këngën e ka lansuar bashkë me klip, shpreson që suksesi i saj të arrihet edhe në Kosovë.[/quote]