Lëvizja Vetëvendosje është i vetmi subjekt që e ka kërkuar dorëheqjen e Qeverisë dhe zgjedhjet e reja. Kritika jonë shkon deri në fund dhe fundi duhet të jetë fund i kësaj Qeverie dhe mënyre të qeverisjes, ka thënë Albin Kurti në mbledhjen e tretë të Këshillit të Përgjithshëm të VV-së.

Me Lëvizjen Vetëvendosje në institucione, bashkimi kombëtar në vitin 2011 u afirmua sikurse asnjëherë në këto vitet e pasluftës”, ka thënë Kurti, për të cilin beteja më e madhe para do të jetë ndalimi bisedimeve “të dëmshme me Serbinë” dhe zhvendosja e politikave ekonomike “prej shitjes së pasurive publike e kombëtare, te zhvillimi i bazuar mu në këto pasuri”.

“Do të ketë shumë vështirësi që vijnë prej njerëzve të regjimit që kanë vjedhur para për të vjedhur vota dhe kanë vjedhur vota për të vjedhur para. Por, ama edhe sa më shumë që do të na e vonojnë fitoren, aq më të madhe do ta kenë humbjen”.

~lambiano~