Oxford - Urën në Swinford, te Oxfordi, e ka blerë për 1,08 milionë funte (1,2 milion euro), një blerës i cili ka dashur të mbetet anonim.
Ura është ndërtuar që në vitin 1767 nga grofi i Abingdonit. Ai ka investuar për ndërtimin e urës me kusht që të mos paguajë tatim nga të hyrat që i krijon nga pagesa e mjeteve që kalojnë mbi të. Këtë privilegj ia ka garantuar edhe ligji i cili është ende në fuqi.
Pagesa për kalim mbi urë është pesë peni (5,5 eurocentë) për vetura dhe gjysmë funte (56-57 eurocentë) për kamionë.
Pasi nëpër këtë urë brenda një vitit qarkullojnë gati katër milionë automjete, e ardhura e pastër e pronarit është ndërmjet 95 468 dhe 113 487 funte (105 000 deri në 125 000 euro) në vit, ka njoftuar shtëpia e ankandeve "Olsop", e cila e ka hedhur në shitje.
Për blerje të kësaj ure kanë qenë të interesuar edhe klientë nga Amerika, Australia, Evropa, madhe edhe nga Xhamajka, thuhet në njoftimin e shtëpisë që e ka hedhur në shitje urën.