New York – Fshehtësia e pamjes rinore të damës së parë të SHBA-së, Michele Obama fshihet në një mollë të rrallë zvicerane, e cila ka efekt shumë të mirë në ruajtjen e lëkurës, zbulon Vogue.
Kjo revistë amerikane shkruan se Michele, zaten nënë e dy vajzave, është adhuruese e madhe e serumit që kushton 215 funte, e i cili përmban ekstraktin e përfituar nga qelizat e mollës së mrekullueshme Uttwiler Spatlauber.
Ky lloj molle qëndron në gjendje të freskët edhe deri në katër muaj pas vjeljes, transmeton FoNet.
Serumi i mbron qelizat e lëkurës, i rigjeneron ato dhe e ngadalëson krijimin  rrudhave. Po ashtu, mbron lëkurën edhe nga rrezet ultravjollcë, shkruan revista amerikane për gra.
Këtë serum e përdorin edhe aktoret Helen Miror dhe Jeniffer Lopez.
Ekspertët ndërkaq janë të ndarë në mendime rreth kësaj. Disa janë skeptikë ndaj këtij serumi, derisa të tjerët mendojnë se është zbuluar eliksiri i ri për pamje rinore.