geliii Mikë/e i/e Forum-it
Numri i postimeve : 3160 Data regjis. : 30/09/2009
| Titulli: “Jo”-ja e Zvicrës ndaj minareve, Danimarka kërkon referendum, Italia pro vendimit Mon Dec 07, 2009 7:54 am | |
| “Jo”-ja e Zvicrës ndaj minareve, Danimarka kërkon referendum, Italia pro vendimit
Reagimet e qeverive dhe institucione ndërkombëtare : Goditje e rëndë ndaj lirisë fetare. Për BE-në është një sinjal negativ.
Ka shkaktuar shumë polemika e diskutime të forta “Jo”-ja e zviceranëve në referendumin e së dielës ndaj ndërtimit të minareve. Janë të shumta deklaratat “shqetësuese” nga qeveri e institucione ndërkombëtare pas rezultatit të votës, por nga ana tjetër duket se vendimi i Zvicrës do të shërbejë si precedent në shtete të tjera të Europës. Në Danimarkë, Partia e Popullit Danez, një formacion nacionalist i njohur për qëndrimet e tij kundër emigrantëve, njoftoi pikërisht dje, se ka ndërmend të kërkojë organizimin e një referendumi të ngjashëm me atë që u mbajt të dielën në Zvicër kundër ndërtimit të minareve. Pia Kjaersgard, liderja e partisë komentoi me tone pozitive votën e zviceranëve. “Është diçka shumë e mirë që populli të mund të shprehet në lidhje me tema të tilla”, - tha ajo. I të njëjtit mendim është shprehur edhe ministri i Brendshëm italian, Roberto Maroni, partia e të cilit, “Lidhja e Veriut”, njihet gjithashtu për qëndrimet aspak dashamirëse ndaj emigrantëve në vend. “Është gjithnjë e dobishme në demokraci të dëgjohet vullneti i popullit dhe jo elitat. Lidhja e bën këtë”, - tha Maroni që nga Brukseli, ku mori pjesë në Këshillin e Ministrave të Brendshëm dhe të Drejtësisë së Bashkimit Europian. Ndërkohë, Vatikani është shprehur i shqetësuar në lidhje me vendimin. Kreu i Këshillit Papal të Emigrantëve, monsinjor Antonio Maria Veglio, tha se është në të njëjtën linjë me peshkopët zviceranë, të cilët deklaruan dje shqetësim të thellë për atë që e cilësuan si një goditje të fortë kundër lirisë dhe integrimit fetar. “Nuk e kuptoj sesi mund të ndalohet liria fetare e një pakice ose një grupi personash të kenë kishën e tyre”, - deklaroi Veglio në lidhje me referendumin. Ndaj këtij të fundit ka reaguar edhe Bashkimi Europian. Sipas ministrit të Jashtëm suedez dhe njëkohësisht presidentit të radhës së BE-së, Karl Bild, “Jo”-ja e zviceranëve ndaj ndërtimit të minareve lëshon një sinjal negativ. “Është shprehja e një paragjykimi të theksuar dhe mbase edhe frike, por është e qartë se përbën një sinjal negative në çdo aspekt dhe për këtë nuk ka asnjë dyshim”, - deklaroi ai për radion shtetërore suedeze. Sipas Bild, mjaft i çuditshëm ishte edhe vetë vendimi i Bernës zyrtare për ta nënshtruar këtë temë në referendum, pasi zakonisht në Zvicër janë administratorët e qyteteve që marrin vendime të këtij lloji. Lidhur me çështjen ka ndërhyrë edhe Këshilli i Europës. “Pavarësisht se bëhet fjalë për shprehje të vullnetit të popullit, vendimi për moslejimin e ndërtimit të minareve në Zvicër është mjaft shqetësues”, - pohoi Lluis Maria de Puig, presidenti i Asamblesë Parlamentare. “Nëse nga njëra anë ky vendim reflekton frikën e popullit zviceran dhe të Europës kundrejt fundamentalizmin islamik, nga ana tjetër nuk do të ndihmojë në përballimin e çështjeve të këtij fundamentalizmi, dhe përkundrazi ka shumë gjasa që të inkurajojë ndjenja përjashtimi dhe të thellojë më shumë përçarjet brenda shoqërive tona”, - tha ai. Një qëndrim të njëjtë kanë mbajtur edhe Kombet e Bashkuara. Një zëdhënës i komisionerit të lartë për të drejtat e njeriut në OKB konfirmoi se komiteti është i shqetësuar për iniciativën e ndërmarrë në Zvicër dhe për fushatën diskriminuese të manifestimeve që shoqëroi referendumin.
shoqatarealiteti.net |
|