Londër– Shkencëtarët kanë krijuar dordolecin më të vogël në botë, me madhësi sa një e pesta e gjerësisë së flokëve të njeriut, transmeton “Telegraph”.
Shkencëtarët e Laboratorit Fizik Kombëtar në Londër , kanë krijuar një figurë miniaturë, vetëm 0.01 milimetër i gjatë.
Dordoleci i tyre, natyrisht, nuk është krijuar nga bora, por nga dy kokrra kallaj, të ngjitur me platin, ku është përdorur një mjet që përdoret për trajtimin e nano grimcave. Sytë dhe goja i është bërë me rreze jon, ndërsa hunda i është bërë nga pjesë platini.
Dordoleci më i vogël në botë është krijuar në laboratorin e dr. David Cox.
Laboratori Kombëtar i Fizikës është institucioni shkencor dhe qendra kërkimore udhëheqëse në Britani, dhe njëkohësisht qendra kryesore botërore për zhvillimin dhe zbatimin e standardeve më të sakta matëse.