Osllo- Disa drita me ngjyrë blu dhe formë spiraleje të vërejtura në qiellin e Norvegjisë kanë lënë me gojë të hapur mijëra banorë të zonës.
Fenomeni i çuditshëm ka ndodhur të mërkurën në mëngjes në provincën e Trondelag deri në Finnmark.
Shumë persona që e kanë parë episodin, kanë krijuar një psikozë të vërtetë mase qe u ushqye nga televizionet lokale.
Për ekspertët, bëhet fjalë për lëshimin e dështuar të një rakete ruse.
Fenomeni ka filluar kur një drite misterioze që është shfaqur nga pas një mali, është ndalur në mes të qiellit dhe me pas ka filluar të lëvizë në formë spiraleje.
Brenda pak sekondash spiralja gjigante ishte e dukshme për disa kilometra në qiellin e veriut të vendit.
Fenomeni i pashpjegueshëm ka zgjatur për pak minuta përpara se të zhdukej plotësisht.
Për disa dëshmitarë, fenomeni misterioz është një meteorit, të tjerët betohen se bëhet fjalë për UFO.
Ndërkohë përforcohet hipoteza se bëhet fjalë për dështimin e lëshimit të një rakete ruse nga një nëndetëse në Detin e Bardhë.