Prishtinë - Ditëlindjet nuk janë me ndonjë eveniment për të. Ka dy vjet që ka ndaluar së festuari numërimin e viteve të saj. Sidoqoftë, ajo mbetet në skene më e re se kurdoherë me dukjen dhe performancat e saj. Bëhet fjalë për divën Adelina Ismajli. Ndonëse 14 dhjetori i vitit 1979 u shënua me lindjen e një ylli shqiptar të muzikës, jo edhe 14 dhjetori i vitit 2009 do të shënoje ndonjë ngjarje më rëndësi për të. “Adelina Ismajli ka dy vjet që nuk e feston ditëlindjen, e kam fjalën për ndonjë organizim, pasi ka dy vjet që nuk bën organizime”, ka thënë për “Zhurnal” zëdhënësja e Ismajlit, Rudina Idrizaj. Këtë vit Adelina ditëlindjen e saj do ta “festojë” duke kënduar dhe duke bërë xhirime për Vitin e Ri. “Ka gjasa të jetë në Prishtinë në organizimin e ''Zhurma Show'' 2009, pasi është e nominuar për çmim tek ky eveniment, por ka gjasa të jetë në ndonjë disko për të kënduar, akoma nuk është definitive, pasi gjatë këtyre ditëve do të definohen gjërat”, tha Idrizaj.
Këëngëtarja atraktive dhe mjaftë energjike, Adelina Ismajli çdo herë është fituese. Ajo edhe në festivalin Kënga Magjike që u mbajt këtë vit në Tiranë ka fituar çmimin e publikut më këngën “Nuk ngec”.