Sydney- Prej tre vjetësh, një familje australiane jeton në një shtëpi sa të çuditshme aq edhe të veçantë e relaksuese. Pamja në vilën e kësaj familjeje është 360 gradë, pasi ajo mund të rrotullohet. “Kur ngrihesh nuk di nga cila pjesë të shikosh”, shprehet inxhinieri Luke Everingham, i cili bashkë me gruan e tij Deb menduan të ndërtojnë një shtëpi të tillë pasi komshinjtë i këshilluan ta ngrinin 15 gradë më në veri për të përfituar nga rrezet e diellit. Banesa ndodhet në një fshat në veri të Sydney dhe ka një formë rrethore. Ka kushtuar plot 700 mijë dollarë australiane dhe është ndërtuar në një platformë të lëvizshme. Ajo vihet në punë nga një motor elektrik i lidhur me kompjuterin. “Rrotullimi i plotë mund të kryhet për 30 minuta”, shkruan familja në faqen e internetit  www.everinghamrotatinghouse.com.au.