Cape Town – Policët në Afrikën e Jugut do të detyrohen që deri në fillimin e Kampionatit botëror të futbollit të mbizotërojnë aftësi luftarake.
Minimumi i kërkuar nga ata është që të përfundojnë të paktën kursin fillestar të karatesë, në mënyrë që në rast të trazirave më të vogla të mos detyrohen të shërbehen me mjete të tjera të forta apo armë. Si transmeton FoNet, Qeveria ka angazhuar madje 200 instruktorë, në mënyrë që policët të arrinin që me kohë t’i kryejnë trajnimet.
Përveç karatesë, formën e mirë trupore policët detyrohen ta mbajnë me vizitat e përditshme në palestrat sportive.
“Njerëzit ishin të brengosur me faktin se disa policë tanë ishin me mbipeshë dhe kanë shprehur dyshim se ata nuk do të mund të reagojnë shpejt dhe në mënyrë të efektshme, nëse ndodhin trazira, mirëpo tash kjo gjë më nuk do të jetë problem”, theksoi përfaqësuesi për shtyp i policisë në Cape Town.