Milano – Ylli brazilian i Milanit, Ronaldinho ndjehet më mirë se kurrë dhe shpreson se me formën e tij momentale do të fitojë një ftesë në Përfaqësuesen e Brazilit për Botërorin 2010. ”Jam kthyer në formën më të mirë. Mendoj se jam edhe më i fortë se në kohën sa isha në Barcelonë. Gjithçka po më duket e lehtë”, ka thënë Ronaldinho për gazetën italiane “Corriere dello Sport”.  Ronaldinho dy herë ishte shpallur futbollisti më i mirë i vitit nga FIFA (2004, 2005). Këtë javë ai u vlerësua si futbollist i dekadës nga revista britanike “World Soccer”.