Një nxënës nga Liverpooli është suspenduar nga shkolla për shkak së ishte marrë me “kontrabandë” të çipsave, në shkollën ku nuk lejohen madje as pijet kalorike.
Nxënësi problematik 12-vjeçar, është zënë për herë të dytë duke shitur çipsa në shkollë, me një çmim prej 50 centë.

Babai i djaloshit ka bërë të ditur për mediat lokale, se i biri i tij kishte vepruar asisoj për shkak të fitimit që i kishte sjellë shitja e çipsit, pasi brenda ditës fitonte deri në 15 funte.

I gjithë rrëfimi bëhet edhe më interesant, pasi që edhe babai i tij ishte zënë nga policia duke shitur pije para shkollës.