Rihanna thotë se sulmi që i bëri asaj ish-i dashuri Chris Brown ka shënuar një moment kthyes në jetën e saj.
Këngëtarja e lindur në Barbados, e cila u sulmua nga Chris në ndejën para ndarjes së çmimeve Grammy në shkurt, ka thënë se sulmi ishte ‘thirrje zgjimi’ për të cilën ajo kishte nevojë, dhe beson se kjo ishte ‘pikë kthyese’ në jetën e saj.

“Kam kaluar nëpër shumë gjëra në dy vitet e fundit të cilat më detyruan të bëhem më e pjekur. Sulmi erdhi në fund të një viti të shkëlqyeshëm për mua. Tash disi e shoh atë si një fillim të një ere të re, sikur të ishte një telefonatë zgjimi për mua. Ishte një pikë e madhe kthyese për jetën time”, ka thënë këngëtarja.