CIA e përfshirë në torturimin e mbështetësve të Hamasit


Agjencia amerikane ka bashkëpunuar me homologët e tyre palestinez për të torturuar mbështetësit e Hamasit në Bregun Perëndimor.
Agjentë palestinez të sigurimit të cilët kanë kapur dhe torturuar mbështetësit e lëvizjes Hamas në Bregun Perëndimor kanë punuar ngushtë me CIA-në, thuhet në të përditshmen angleze The Guardian.

Më pak se një vit pasi presidenti amerikan Obama nënshkroi një urdhër ekzekutiv për ndaljen e torturave gjatë marrjes në pyetje për të paraburgosurit nga SHBA-të, dëshmitë tregojnë se CIA po bashkëpunon me agjentë tjerë të sigurimit torturat e të cilëve janë dokumentuar nga shumë grupe për të drejtat e njeriut.

Marrëdhëniet mes CIA-së dhe dy agjencive të përfshira PSO-së dhe GI-së është thënë nga zyrtarë vendas dhe të huaj se janë aq të afërta sa që agjencia amerikane duhet të jetë mbikëqyrëse e tyre.

Një zyrtar i lartë perëndimor ka thënë"CIA i konsideron këto dy agjenci palestineze si pronë të tyre."
Një burim tjetër diplomatik thotë se ndikimi i SHBA-ve mbi këto dy agjenci është aq i madh sa që mund të konsiderohen "si krah të avancuara të luftës kundër terrorit."


shoqatarealiteti.net