Këngëtarja uellsiane Duffy ka ndarë rrugët me menaxheren e saj, Jeannette Lee, e cila e drejtoi famën e saj.
Aimee Ann Duffy kishte arritur marrëveshje me menaxheren Jeannette Lee, nga kompania “Rough Trade Records” në vitin 2004, në kohën kur ajo kishte vështirësi të depërtonte në skenë dhe njëherit punonte edhe si kameriere.

Lee e transferoi Duffyn nga Walesi në Londër ku ajo u bë e famshme në vitin 2008 me hitin “Mercy”, ndërsa albumi debutues i këngëtares, “Rockferry”, u shit në miliona kopje anekënd botës dhe fitoi një çmim Grammy.

Sido që të jetë, një burim i ka thënë gazetës britanike Daily Star, se Duffy kishte refuzuar të paraqitej në seriale televizive, gjë që e kishte kërkuar menaxherja e saj, duke dashur të përqendrohej vetëm te muzika, dhe si duket kjo është arsyeja kryesore e përfundimit të bashkëpunimit ndërmjet tyre.