Nikoqirja e MTV, Alexa Chung, ka mposhtur supermodelen Kate Moss dhe ikonën e stilit Sarah Jessica Parker, për të marrë titullin e revistës Vogue si femra e veshur më mirë në viti 2009.
Bukuroshja britanike, një ish-modele, ka shkaktuar ‘trazira’ në SHBA që kur e zhvendosi shoun e saj ‘Stateside’ në kanalin muzikor dhe shpesh ftohet në ngjarje të mëdha të modës dhe sfilata.

Dhe duket se ajo ka marrë disa këshilla nga këto, pasi revista e modës Vogue e ka renditur atë në krye të femrave më me stil të vitit 2009. 26-vjeçarja është ndjekur nga aktorja franceze Audrey Tautou, dhe ylli i “Sex And The City”, Parker.

Vlerësueset e shout britanik “The X Factor” po ashtu kanë qenë pjesë e femrave më me stil të vitit që lëmë prapa, me Cheryl Cole dhe Dannii Minogue që u renditur në pozitën e katërt, respektivisht të pestë.

Ylli i ‘Harry Potter’, Emma Watson, modele për markat Burberry dhe Chanel, është renditur e gjashta, derisa biondinat Sienna Miller dhe Diane Kruger po ashtu kanë gjetur vend në top 10, së bashku me aktoren indiane Freida Pinto. Ish-mbretëresha e modës, Kate Moss, është e fundit në top 10.