Në vitin e fundit shkenca na ka sjellë goxha do përparimeve revolucionare, mirëpo edhe një mori budallallëqesh hulumtuese - të cilat nga një pjesë e njerëzve janë vlerësuar se - nuk i duhen njerëzimit. Në vijim po ju prezantojmë disa prej tyre.
Barsoletat e këqija mbahen mend më lehtë
Shkencëtarët kanë zbuluar pse i kujtojmë barsoletat e këqija, dhe nuk mund t’i kujtojmë ato të mira. Mu ajo që e bën një barsoletë të mirë, sipas tyre, e bën atë të mbahet mend më vështirë.

Brunet janë më inteligjente?! Biondet ndoshta argëtohen më shumë, por femrat brune fitojnë më shumë, ka bërë të ditur një zbulim i këtij viti. Krahas kësaj, sipas këtij studimi, meshkujt mendojnë se brunet janë më besnike dhe më të përshtatshme për bashkëshortësi.

Femrat kundërmojnë më shumë se meshkujt
Shkencëtarët zviceranë në fillim të këtij viti kishin analizuar djersitjen e meshkujve dhe të femrave pas seancave stërvitore – dhe kanë zbuluar se kundërmimi nën sqetullat e meshkujve ka aromë djathi, ndërsa ai nën sqetullat e femrave ka aromë hudhre.

Alkooli i bën femrat më të shëmtuara
Shkencëtarët kanë zbuluar se nuk qëndron teoria se meshkujve të dehur femrat u duken më të bukura, por është e kundërta. Sa më të dehur që janë meshkujt, sipas studimit, femrat u duken atyre më pak tërheqëse.

Menstruacionet fajtore për blerje
Shkencëtarët pohojnë se për shkak të ndryshimeve hormonale pas ciklit menstrual, femrat janë të dhëna pas shopingut ekstravagant dhe shpenzimeve për luks.

Femrat me gjoks të bëshëm janë më të mençura
Një hulumtim i fundit, i realizuar në SHBA, thotë se femrat me gjoks të madh janë më të mençura se ato me gjoks më të vogël.

Dashuria lind pas 8 sekondash
Shkencëtarët pohojnë se kohëzgjatja e shikimit në mes të partnerëve, në takimin e tyre të parë, zbulon shumë. Nëse në takimin e parë, mashkulli vështron femrën më gjatë se 8 sekonda, atëherë - sipas shkencëtarëve, ka gjasa reale që ai edhe të dashurohet.