Britaniku Jim Phillips (98-vjeçar) kurrë nuk e harron ditën e martesës së tij. May (97-vjeçare) dhe ai ishin martuar para 75 vjetësh. E kishin zgjedhur këtë ditë për të mos bërë shpenzime të dyfishta – ata janë martuar ditën e Krishtlindjes.
“Ishte valltarja më e bukur që e kisha parë në jetën time”, ka thënë Jim. “Edhe pse në ato momente vallëzonte me një mashkull tjetër, ia arrita të isha ai që do ta përcillte atë deri në shtëpi. U martuam 6 vjet më vonë – në vitin 1934”, u shpreh Jim.

“Nuk kishim para të martoheshim, sepse atëherë fitoja vetëm 3.4 funte në javë”, kujton kohën e kaluar Jim.

Momentalisht ky çift jeton në shtëpinë e pleqve në Berkshire – dhe shpresojnë që me tregimin e tyre t’i inspirojnë edhe çiftet të tjera të jetojnë në bashkëshortësi të gjatë.

Bashkëshortësia më e gjatë në Britani ishte ajo e çiftit, Thomas e Elizabeth Morgan, që kishte zgjatur 81 vjet e 260 ditë.