Burri i aktores së ndjerë Brittany Murphy, Simon Monjack, ka akuzuar mediat për publikime të tregimeve të pavërteta rreth tij, pas vdekjes tragjike të gruas së tij, duke thënë se shtypi e ka shënjestruar atë për shkak se nuk është një yll atraktiv Hollywoodi.
Murphy ndërroi jetë më herët gjatë këtij muaji, pasi pësoi arrest kardiak në shtëpinë e saj në Hollywood Hills, Los Angeles.

“E di se jam quajtur mashtrues. Nuk jam perfekt. Kurrë nuk e kam thënë. Por ka pasur aq shumë gjepura të shkruara për mua dhe Brittany. Shumica e asaj çfarë keni lexuar janë të sajuara”.

“Problemi im është se nuk dukem si Ashton Kutcher... Ata as që e pëlqyen faktin se ajo është martuar me dikë që nuk është i famshëm, yjet duan që yjet të martohen me yje të tjera”, ka thënë Monjak për Daily Mail.