Policia plagosi sulmuesin e karikaturistit

Policia në Danimarkë ka plagosur një njeri i cili ishte përpjekur të hyjë në shtëpinë e Kurt Westergaard-it.

Policia në Danimarkë ka qëlluar dhe ka plagosur një njeri të armatosur i cili ishte përpjekur të hyjë në shtëpinë e njërit nga autorët që i vizatuan karikaturat kundërthënëse të Profetit Muhamed, Kurt Westergaard.

Shërbimi i kundërzbulimit i Danimarkës tha se 28 vjeçari nga Somalia ishte armatosur me një sëpatë dhe thikë kur shkoi në shtëpinë e karikaturistit Kurt Vestergard të premten në qytetin lindor Arhus.

Bëhet e disur se alarmet e sigurisë ishin të shkyçur në kohën kur njeriu u përpoq të hyjë në shtëpi, ndërsa ai u plagos në dorë dhe këmbë kur policia hapi zjarr pasi i dyshuari i ngriti sëpatën policisë.

I dyshuari, i cili u hospitalizua, pritet të akuzohet për përpjekje për të vrarë karikaturistin dhe një oficer policie.

Vestergard, i cili është në vitet e 70-ta, nuk është lënduar në incidentin. /rel/ mesazhi/