Shqyrtohet ligji për ndalimin e ferexheve në Francë

Në Francë do të hyjë në procedurën parlamentare ligji, me të cilin grave të fesë islame do t’i ndalohet ferexheja, njoftojnë mediet britanike.

Propozimi parasheh dënimin prej 750 euro për çdonjërin, që në rrugë apo në ndonjë vend tjetër publik do të shfaqet me fytyrë të mbuluar apo të maskuar. Në tekstin e ligjit, sipas fjalëve të Jan Fransoa Cope, shef i grupit parlamentar të partisë në pushtet, do të ketë përjashtime, duke mos përfshirë njerëz të cilat maskohen për karnavale apo maskenmbale.
Njoftimi për miratimin e shpejtë të ligjit është në kundërshtim me dëshirën e presidentin Nicholas Sarkozy, i cili përpiqet të zbusë forcimin e disponimit anti-islam në vend.
Megjithatë, Cope, nuk e përfill Sakozyn, dhe thotë se ndalimi i ferexhesë është i domosdoshëm për të ndaluar forcimin e "ekstremizmit islamik" në Francë dhe për të mbrojtur të drejtat e grave.
Kritikët e ligjit të propozuar thonë se ligji, nëse miratohet, do të armiqësojë komunitetin e madh islamik në Francë./koha/