Lugina e Ujqve në Palestinë
Edhe pse disa inserte nga seriali turk “Lugina e Ujqve” kanë shkaktuar telashe diplomatike midis Izraelit dhe shtetit turk, producentët e serialit premtojnë se do të gjirojnë një film ku do të trajtohen ndodhitë në Palestinë.
Marrëdhëniet ne mes te Turqisë dhe Izraelit janë tensionuar në këto ditë të fundit, ku fillimisht kryeministri turk Erdogan kishte kritikuar Izraelin për bombardimet e fundit te Gazës.
Pala izraelite reagoi ashpër duke dhënë note proteste Turqisë si dhe duke shkelur rregullat diplomatike lidhur me respektimin e përfaqësuesve diplomatik.
Ne mes të kësaj rrëmuje diplomatike pala izraelite shprehu edhe shqetësimet lidhur me skenat e shfaqure në seriali e popullarizuar turk “Lugina e Ujqve”.
Në serialin e fundit të shfaqur trajtohet implikimi i izraelitëve në ndodhitë në Turqi.
Njëri nga personazhet kryesore të serialit ishte kidnapuar së bashku me djalin e tij dhe po mbahej në Ambasadën Izraelite.
Polat Alemdar, personazhi kryesor i serialt, bastis Ambasadën e Izraelit për të shpëtuar shokun e tij.
Në pyetjen e njërit punonjës se a nuk është kjo bastisje shkelje drejtës ndërkombëtare, Polat Alemdar përgjigjet “A vetëm ju do ta shkelni drejtën ndërkombëtare? Të shkelim edhe ne pak ”.
Njëri ndër skenaristët e serialit, Bahadir Ozdemir shprehet të jetë objektiv në skenat e paraqiture ne serial.
“Ajo çka shfaqet në serial është shumë pak krahas me krimet që është duke i bërë Izraeli në Gaza” shprehet Ozdemir.
Ai njëkohësit përkujton reagimet e ashpra të bërë nge Izraeli lidhur me filmin e shumëpërfolur “Lugina e Ujqve – Irak”, ku shfaqej se si një mjek izraelit transplantonte organe nga Iraku për në Izrael.
“Ata fillimisht kundërshtuan këtë duke thënë se asnjëherë asnjë mjek hebre nuk ka vepruar kështu, por në hetimet e mëvonshme u vërtetua se kjo me të vërtetë kishte ndodhur” thotë Ozdemir.
“Nëse këto pak sekuenca do të jenë shqetësuese për autoritetet izraelite, atëherë le të mendojnë se çfarë do të bëjnë pasi do të gjirojmë filmin e radhës “Lugina e Ujqve – Palestinë” ku do të trajtohen ndodhitë e popullit palestinez” shprehet Ozdemir.
