Thirrje Izraelit ta zhbllokojë Gazën
Studentja e shkollës së mesme Fida Hejji vdiq nga kanceri duke pritur lejen e Izraelit të shkojë në një spital izraelit për trajtim.
Hejit 18-vjeçare, i ishte premtuar një leje e hyrjes tre herë.
Tre ditë pasi që vdiq në nëntor, familja e saj mori një thirrje se spitali ka caktuar datën për pranimin e saj.
Një vit pasi ofensivës së Izraelit kundër Gazës, të udhëhequr nga Hamasi, agjencitë e OKB-së dhe Asociacioni i Agjencive Ndërkombëtare për Zhvillim (AIDA), që përfaqëson më shumë se 80 organizata jo qeveritare, vuri në dukje ndikimin që ka bllokada në shëndetin e njerëzve.
Ata i bënë thirrje Izraelit të zbutë kontrollin e kufijve me Rripin e Gazës për të lejuar hyrjen e furnizimeve të mjaftueshme dhe qasjen në kujdesin shëndetësor, që nuk gjendet në enklavë.
Max Gaylard, Koordinator i përhershëm humanitar për territoret palestineze, tha se bllokada minon kujdesin shëndetësor lokal dhe i vë jetët në rrezik.
Izraeli në përgjithësi lejon furnizimet me ilaçe të hyjnë në Gaza, por jo gjithmonë mjaftueshëm për të parandaluar mungesat.
Izraeli thotë se shumica e kërkesave të banorëve të Gazës për të kaluar kufijtë e saj për trajtim shëndetësor janë aprovuar, dhe aprovimet janë rritur për 25 %. /koha/mesazhi/
