Qendra për kultivimin e pandave në Kinë ka shpallur konkurs për një profesor të gjuhës kineze, për të “edukuar” një pandë që ka lindur në SHBA, e që do t’u kthehet të premten prindërve të saj në Kinë.
Për pandën 3-vjeçe Mei Lan, krahas mësimit të gjuhës kineze është paraparë edhe një tretman i veçantë i ushqimit, si dhe njohja me pandat e gjinisë mashkullore, në qendrën e pandave ne provincën Sechuan.

Sipas një marrëveshjeje në mes të Kinës dhe SHBA-ve, të gjitha pandat gjigante me prejardhje nga Kina – të cilat u janë huazuar kopshteve zoologjike nëpër botë për studim dhe ekspozim disavjeçar, duhet të kthehen në Kinë.

Mësimi i gjuhën kineze për pandën Mei Lan, e cila ka jetuar në kopshtin zoologjik në Atlanta që nga lindja e saj në vitin 2006, sipas ekspertëve është i domosdoshëm, ngase ajo nuk merr vesh asnjë fjalë në gjuhën kineze.