Gjendje e jashtëzakonshme për 0.2 milimetra shi
Në njërin nga vendet më të thata në botë edhe shiu më i vogël mund të shkaktojë shpalljen e gjendjes së jashtëzakonshme.

Në qytetin Iquique në shkretëtirën kiliane Atacama, të hënën pasdite ka rënë 0.2 milimetra shi që është përcjellë me erë mesatare me shpejtësi prej 17 km/h, njofton shërbimi meteorologjik në Santiago.

Kjo ka mjaftuar që në disa pjesë të ketë rrymime ajri me ç’rast janë dëmtuar kulmet e 4.000 shtëpive. Të martën shkollat nuk kanë punuar me qëllim që të ndërtohen pjesët e dëmtuara.

Në këto pjesë, gjatë gjithë vitit bie 0.6 milimetra shi, ndërsa kulmet shërbejnë për t’u mbrojtur nga dielli dhe jo nga shiu. Prandaj ky shi i pakët ka shkaktuar çrregullim në këtë vend.