Njëri prej panaireve më të mëdha të tatuazheve dhe pirsingut në botë, është mbajtur gjatë vikendit në Frankfurt. Tatuazhe që mbulojnë gati tërë trupin, arti i body paint (ngjyrosja e trupit), pirsingu në vendet më të pabesueshme, e tërë kjo është vetëm një pjesë e asaj që Frankfurti u ka ofruar vizitorëve.

Në panair morën pjesë 350 artistë të tatuazheve nga mbi 20 shtete, prej Japonisë, nëpër Zelandën e Re, deri në Afrikën e Jugut dhe Rusinë. Frankfurt hapi derën për këta artistë të pazakontë për të 180-tën herë me radhë, ndërsa hapësirat e ekspozitave u vizituan nga mbi 6.000 vizitorë.