[You must be registered and logged in to see this link.]Messi përveç që shënoi tre gola për Barcelonën, nxorri edhe një penallti, që i dhuruan fitoren me rezultat 4:2 Barcelonës si udhëtues ndaj Zaragozës, në ndeshjen e javës së 27-të të Kampionatit të Spanjës në futboll.
Lionel Messi ka qenë hero i ndeshjes, i cili shumë herë ka luajtur si macja me miun me mbrojtjen e Zaragosës. Messi si mjeshtër i vërtetë në minutën e pestë solli në epërsi skuadrën kampione dhe sërish shënoi për ta dyfishuar epërsinë në 0:2 në minutën e 66-të. Lionel Messi ishte në formë të lartë dhe në shumicën e rasteve sikurse skiatorë bënte sllallom në mbrojtjen e skuadrës vendase.
Messi në asnjë çast nuk ndalej dhe as që mund të gjenin formulën ta ndalonin atë skuadra e Zaragozës. 0:3 epërsinë e ngrit kush tjetër pos futbollistit më të mirë në botë, Messi. Ky gol është shënuar në minutën e 78-të. Zaragoza zgjohet nga gjumi, por tepër vonë.
Zvogëlojnë epërsinë 1:3 me golin e futbollistit Colunga në minutën e 85-të. Pas katër minutave i njëjti futbollist shënon dhe rezultati 2:3. Messi po Messi dhe penallti për Barcelonën. I pagabueshëm ishte Zllatan Ibrahimovici, i cili shënoi nga penalltia për 2:4 në minutën e 91-të. Barcelona e mban vendin e dytë me 68 pikë aq sa ka edhe i pari Real Madridi. /botasot