Të ushqyerit merret si faktor më me rëndësi në shfaqjen përherë e më shumë të sëmundjeve jo ngjitëse kronike si: kanceri, sistemi kardiovaskular dhe diabeti.
Një çelës i rëndësishëm për shëndetin është dominimi i shumëllojshëm i ushqimeve bimore,
Studime të shumta kanë treguar, se ka ushqime dhe mënyra të sjelljes, të cilat e shtojnë apo zvogëlojnë rrezikun e sëmurjes nga kanceri,
Perimet, pemët dhe materiet përbërëse (fije ushqyese/materie balancë) kanë ndikim mbrojtës,
Mbipesha, alkooli dhe mishi e rrisin rrezikun e sëmurjes nga kanceri.
Për një shëndet stabil është e rëndësishme, që pesha gjatë tërë kohës së zhvillimit të mbahet konstant,
Personat me mbipeshë do të duhej që mbas një faze të stabilizimit të peshës dhe ndërrimit të ushqimit, në mënyrë kontinuale ta humbin peshën,
Mbipesha mund të nxisë, krahas formimit të llojeve të ndryshme të kancerit, edhe lindjen e sëmundjeve duke filluar nga: diabeti, sëmundjet e sistemit kardiovaskular deri tek infarkti i zëmrës dhe sulmi/goditja në tru.
Bilanci i energjisë =
Energjia e marrë – Energjia e shpenzuar
Marrja e energjisë caktohet nëpërmjet të prurjes së ushqimit dhe lëngjeve.
Yndyrat, karbohidratet, proteinat dhe alkooli mund të shndërrohen në energji.
Bilanci pozitiv i energjisë
Tregohet atëherë kur njeriu merr peshë. Kjo qëndron në marrje më të madhe të energjisë dhe shpenzim më të vogël të saj.
Bilanci negativ i energjisë
Tregohet atëherë kur njeriu humb peshë. Në këtë rast marrja e energjisë është shumë e vogël ose harxhimi i energjisë është shumë imadh.
IMT më ulët se 18,5 (Nënpesha)
Të vihet në peshë deri sa vlera minimale të arrin në 18.5,
IMT 18,5 deri 25 (Pesha Normale)
Do të duhej kështu të mbahej gjatë tërë jetës madhore,
IMT 25 deri 30 (Mbipesha)
Pesha është e lartë dhe së pari duhet të stabilizohet.
Pesha të ulet gradualisht, deri sa IMT të arrihet në 25
IMT mbi 30 (Adipositas ose Mbipesha anormale)
Pesha është shumë e lartë dhe do të duhet që së pari të stabilizohej,
Pesha të reduktohet gradualisht, deri sa IMT të arrihet në 25,
Ky reduktim i peshës bëhet me ndihmën e një personi profesionalist.
Ky vlerësim i IMT vlen për personat mbi moshën 18 vjeçare,
Perimet dhe pemët janë përbërës kryesor të një ushqimi të shëndoshë,
Ato përmbajnë materie përbërëse të rëndësishme për jetë dhe ulin rrezikun e sëmurjes nga kanceri,
Ideale janë 5 racione në ditë, të papërpunuara ose të ziera, të ofruara në bazë të kënaqësisë,
Një racion i përgjigjet 120 g ose përafërsisht një dorë e mbyllur (grusht),
Tri racione perime dhe dy racione pemë në ditë janë optimale.
Fijet (materiet) ushqyese japin vrull
Në ciklin lukth-zorrë,
Ato lidhin ujin, fryhen (mbufaten) dhe me atë shkaktojnë hershëm ndjenjën e ngopjes,
Rregullojnë veprimtarinë e zorrëve dhe kujdesen për baktere të shëndosha të zorrëve (Flora e zorrëve),
Ndikojnë në shmangien e ngritjes së lakores së sheqerit në gjak dhe Kolesterinë,
Ndikojnë që ushqimi i qulltë të transportohet shpejtë nëpër zorrë,
Fijet ushqyese gjinden para së gjithash në prodhimet e grurit.
Mishin shijojeni me vetëdije
Mishi përmban materie të rëndësishme për jetë si proteina dhe vitamina,
Por mishi përmban edhe yndyrë shtazore të pashëndetshme dhe gjatë përgatitjes së mishit mund të mbesin substanca kancerogjene,
Prodhimet e mishit përmbajnë jo vetëm pjesë të madhe të yndyrave por edhe kripëra.
Mos hani, më shumë se 4 ditë në javë mish dhe plotësoni shujtat me më shumë sallat dhe perime,
Zëvendësojeni mishin e kuq me mish të freskët peshku ose të shpezëve,
Largoni nga çdo pjesë e mishit të kuq, yndyrën (dhjamin) që shihet duke e prerë atë para se ta hani,
Mishi i kripëset dhe i njelmët si: suxhuku, proshuta, sallami ose dhjami i derrit nuk duhet të hyjnë më shumë se një herë në javë në planin e ushqimeve,
Pjesët e brendshme si: mëlçia e zezë, veshkët ose plëncin pa hezitim mund ta shijoni një herë në muaj.