Pirja e vodkës përmes syrit është trendi më i ri i studentëve të universiteteve britanike. Ata që e kanë provuar këtë thonë se pirja në këtë formë e pijeve të forta alkoolike shkakton dehje të menjëhershme.
Megjithatë për shkak të pasojave të rënda që shkakton një formë e tillë argëtimi, u bë shqetësim i madh i mjekëve dhe autoriteteve të universitetit të cilët kujdesen që kultura e pirjes së studentëve britanikë të mos dalë jashtë kontrollit.

Melissa, ish studente, thotë se mjekët kanë të drejtë që shqetësohen. Syri i saj i majtë vazhdimisht loton, ndërsa mjekët ia tërhoqën vërejtjen se gjendja e saj mund të përkeqësohet me kalimin e viteve.

Vetëm në YouTube mund të gjenden rreth 800 video të postuara, ku shihet ekzekutimi i këtij triku të rrezikshëm.