Njëri ndër protagonistët më kontrovers në “Big Brother Albania 3”, Klodian Çela, i njohur si Klodi, ka zbuluar për Panorama planet e tij të së ardhmes, duket se ai dëshiron të angazhohet në një shoqatë homoseksualësh.
“Kam parë që shoqatat në mbrojtje të homoseksualëve nuk kanë bërë pothuajse asgjë për këtë kategori, për t’i mbrojtur ata dhe sinqerisht më vjen shumë keq”, theksoi Klodi duke iu referuar punës së mangët të shoqatave homoseksuale.

Ai shtoi se atë e kanë kontaktuar shumë njerëz të kategorisë së tij, ndërsa tha se është pritur mirë nga shoqëria dhe familja, përkundër orientimit të tij kontrovers seksual. Ai fillimisht pritet të angazhohet në “Aleancën e geive dhe lesbikeve të Shqipërisë”, ndërsa ka në plan ngritjen e një shoqate kundër diskriminimit të homoseksualëve.

Nga ana tjetër, ambasadori amerikan në Tiranë, John Withers, ka ripërsëritur qëndrimin e tij ndaj politikës shqiptare, për të cilën tha se është një politikë plotë retorikë boshe homofobiste, ndërsa politika shqiptare vazhdon të heshtë për rastin Klodi.