Serbia duhet të mësohet me atë se Kosova është e pavarur dhe se në të ardhmen duhet të zhvillohen marrëdhënie të mira ndërmjet Kosovës dhe Serbisë- ka thënë në një intervistë për RTK-në ish-emisari i Kombeve të Bashkuara, Martti Ahtisaari.
Ahtisaari, i cili është duke i përcjellë proceset nëpër të cilat po kalon Kosova, proceset në Kosovë dy vjet e gjysmë pas shpalljes së pavarësisë i konsideron të mira. Ai ka thënë se pakoja e hartuar prej tij për statusin e Kosovës është për tërë territorin e Kosovës dhe jo për ndarjen e vendit.

Ish-presidenti finlandez ka thënë se vendimi i GJND-së do të të shtyjë proceset edhe në veri, prandaj për implementimin e pakos edhe në pjesën veriore të Kosovës nevojitet kohë

Ahtisaari ka deklaruar se Kosova do t’i bashkohet BE-së, pasi që nuk ka rrugë tjetër, ndërsa thekson se prioritet për Kosovën duhet të jetë zhvillimi ekonomik dhe se implementimi i pakos duhet të ecë përpara. /