Një amerikane beqare ka kaluar tre ditë në burgun e Ohios pasi që vikendin e kaluar kishte thirrur pesë herë policinë dhe i kishte lutur t’i gjejnë një burrë.

Polici në detyrë ishte i habitur me kërkesën e Audrey Scott, dhe e kishte pyetur:

“Do të thotë, ju duhet një burrë?”, në çka mori përgjigje pozitive. Kur polici në detyrë e paralajmëroi se mund të arrestohet për keqpërdorim të linjës për raste emergjente, ajo iu përgjigj: “Atëherë, më arrestoni”.

Audrey Scott (57) ishte dënuar me dhjetë ditë burg, por u lirua pas tre ditëve, ndërsa 7 ditët e mbetura mund t’i anulohen nëse nuk bën ndonjë shkelje tjetër. Gruaja pas lirimit nga burgu kishte fajësuar alkoolin për probleme.